L'affitto

                  L’affittu

- Doppu Natali vi pagu l’affittu,

nommu si dici ca sugnu ’nu latru! -

Intantu teni ’u dinaru ben strittu:

cu’ nasci tundu no’ mori po’ quatru!

- Li cosi longhi, - pe’ lu nostru dittu,

- si fannu serpi - se cu’ ’n casa d’atru

po’ si riteni d’aviri dirittu

pemmu cumanda e fari puru triatu.

Se ’nda la casa di ll’atri po’ passa

puru la Pasca e no’ paga la luci

e mancu l’acqua, ’stu veru scroccuni

avi la vita mu ’ndavi po’ lassa.

Facimu corna e puru cruci e nuci

nommu cadimu cchjù senza ragiuni.